«2025 წლის 16 იანვარს შევხვდი, როცა ჯერ კიდევ გადაადგილდებოდა, მაგრამ უჩიოდა ტკივილს ფეხისა და ხერხემლის არეში. ამ ადამიანს დაუმძიმდა მდგომარეობა და ვერ ახერხებდა გამოსვლას და შეხვედრას. ვფიქრობთ, რომ ნაოპერაციები ადგილის ტკივილის პროვოცირება მასზე განხორციელებულმა ძალადობამ გამოიწვია »
დავით ლომიძე, 53 წლის მამაკაცი, 2024 წლის 1 დეკემბერს, პარლამენტის წინ მიმდინარე საპროტესტო აქციაზე დააკავეს. მასთან ერთად დაკავებული იყო თემურ ზასოხაშვილიც. თავდაპირველად ისინი ადმინისტრაციული წესით დააკავეს, თუმცა 48 საათის შემდეგ, როდესაც ადმინისტრაციული პატიმრობის ვადა ამოიწურა, მათ სისხლის სამართლის ბრალდება წაუყენეს.
პროკურატურის მტკიცებით, დავით ლომიძემ და თემურ ზასოხაშვილმა 1 დეკემბერს, ღამით, პარლამენტის წინ, ჭიჭინაძის ქუჩაზე, განსაკუთრებულ დავალებათა დეპარტამენტის თანამშრომლებს ე.წ. „მოლოტოვის კოქტეილები“ ესროლეს და დააზიანეს შინაგან საქმეთა სამინისტროს ბალანსზე არსებული წყლის ჭავლის ავტომანქანა. მათ ბრალი სისხლის სამართლის კოდექსის 353-ე პრიმა მუხლით წარედგინათ, რაც პოლიციელზე თავდასხმას გულისხმობს და 4-დან 7 წლამდე პატიმრობას ითვალისწინებს.
დაკავების დროს, პოლიციამ დავით ლომიძეს ფიზიკური შეურაცხყოფა მიაყენა. ადვოკატის თქმით, დაკავების შემდეგ, მიკროავტობუსში, სადაც სხვა დაკავებულებთან ერთად იმყოფებოდა, ხელები ზურგს უკან შეუკრეს და სცემეს. ამან გააუარესა მისი ჯანმრთელობის მდგომარეობა, რადგან წარსულში ხერხემალზე ოპერაცია ჰქონდა გაკეთებული.
თბილისის საქალაქო სასამართლომ დავით ლომიძეს აღკვეთის ღონისძიების სახით პატიმრობა შეუფარდა. მოსამართლე ნანა შამათავამ განაცხადა, რომ გადაწყვეტილება ბრალდებულის პიროვნების, წარსულის, ბრალისა და დანაშაულის სახის გათვალისწინებით მიიღო. დაცვის მხარე ითხოვდა გირაოს სანაცვლოდ გათავისუფლებას, თუმცა სასამართლომ ეს შუამდგომლობა არ დააკმაყოფილა.
სასამართლო პროცესებზე დავით ლომიძე ჯანმრთელობის მდგომარეობის გაუარესების გამო ვერ გამოცხადდა. ადვოკატის თქმით, მას გადაადგილება უჭირს და ციხის სამედიცინო დაწესებულებაშია გადაყვანილი. სასამართლო პროცესზე გამოიკითხა პოლიციელი, რომელმაც განაცხადა, რომ იზოლატორში ლომიძისგან აღიარებითი ჩვენება მიიღო. თუმცა, ლომიძე აცხადებს, რომ ჩვენება სიმართლეს არ შეესაბამება და მასზე ზეწოლა განხორციელდა.
სასამართლო პროცესზე დავით ლომიძის ვაჟმა განაცხადა, რომ მამის ჯანმრთელობის მდგომარეობა მძიმეა და ციხეში მას სათანადო სამედიცინო ყურადღება არ ექცევა.
ამ საქმეში გამოიკვეთა რამდენიმე საკითხი, რომელიც კანონთან შეუსაბამობას შეიცავს:
